ClubDeportivoMaceda 3 - S.D. Arrabaldo 1 

Despois do moito que tiña chovido na noite do Sábado sobre Maceda, o Cardeal Quiroga recibiunos enchoupado de auga, especialmente no fondo contrario da entrada e nas posicións dos cancerbeiros, se ben mellor do que cabía esperar á vista dos lameiros veciños.

Os nosos enfrontábanse a un Arrabaldo que viña demostrando ser un dos equipos en boa progresión nesta liga e capaces de dar a sorpresa en calquera campo. Por outra banda os macedáns mostraron dende o primeiro minuto que o pasado encontro nas Eiroás non entraba na dinámica do equipo e dende o principio trataron de levar o peso do partido.

ClubDeportivoMaceda 1 - U.P. Taboadela 3

Un Taboadela totalmente convencido das súas posibilidades presentouse no Cardeal Quiroga disposto a facerse definitivamente co mando da 2ª Autonómica.

 

Santa Teresita 2 - ClubDeportivoMaceda 3

Complicado o partido que lles tocou xogar aos infantís na mañá do sábado nas Eiroás. Os nosos enfrontábanse ao Santa Teresita, un equipo que a pesares de ocupar un dos  últimos postos na táboa clasificatoria e recibir varias goleadas no que levamos de liga, soubo xogar as súas armas para facer un bo partido e que os nosos pasasen moitos apuros.

Nos primeiros dez minutos, os locais gozaron de varias oportunidades de xeito que aos vinte, chegaría o primeiro gol ourensán. O choque non podía comezar de peor forma xa que a parte de chegares o primeiro gol local, o ClubDeportivoMaceda non estaba realizando o bo xogo ao que nos tiña acostumados en partidos anteriores.

Partido estraño o disputado na mañá do domingo no Cardeal Quiroga entre dous rivais directos por evitar o descenso, e así aínda que o partido dos nosos non foi bo, puido golear e sen embargo rematou sufrindo.

Na primeira parte, o equipo dispuxo dunha manchea de oportunidades que, unha tras outra, se foron malogrando agás unha das primeiras que Michel transformaba no único tanto que ao descanso lucía o marcador.  Pola contra o equipo visitante só dispuxo dunha ocasión subliñable que J.Luis desbaratou cunha boa parada.

C.D. Allariz 1 - ClubDeportivoMaceda 3 

Tres Tantos a balón parado déronlle o ClubDeportivoMaceda a súa cuarta vitoria consecutiva. Este triunfo coloca aos vermellos a catro puntos das posicións de ascenso logo do empate do Monterrei e a espera da visita ao Cardeal Quiroga do líder Taboadela a vindeira fin de semana.

O partido en terras alaricanas ofreceunos de novo un equipo forte en defensa e que trata de explotar as poucas ocasión das que dispón. Enfronte un C.D. Allariz “B” que a pesares de ter maior posesión de balón nunca deu sensación de perigo. A escasa profundidade do seu xogo fixo que incluso os nosos se sentisen cómodos nesa situación; o balón era para o contrario, as ocasións, aínda que contadas, eran nosas.