É un pracer para toda a familia que formamos este club botar a andar esta aventura virtual do Club Deportivo Maceda na arañeira.

Dende esta directiva nos propuxemos como principal obxectivo intentar recupera-lo lado humano, lúdico e educativo do deporte. Un xeito de avanzar nese sentido é abrir o club a tódolos ámbitos e por iso esta web pretende a participación de todas aquelas persoas interesadas no deporte.

Tamén nese camiño está a nosa aposta polos equipos de base, xa que entendemos que a actividade deportiva debe ir encamiñada a educar, sendo o fútbol unha ferramenta máis para transmitir valores tan importantes como o compañeirismo, o traballo en equipo, o respecto ó adversario, o logro de obxectivos mediante o esforzo, e por riba de todo a convivencia co triunfo e a derrota.